مقبوضہ کشمیر: کرفیو میں 15 اگست کے بعد نرمی کی جائے گی، ستیا پال ملک

مقبوضہ کشمیر کے گورنر ستیا پال ملک نے بھارت کے یوم آزادی (15 اگست) کے بعد وادی میں نافذ کرفیو میں نرمی کا دعویٰ کردیا۔

ستیا پال ملک نے ٹائمز آف انڈیا کو دیے گئے انٹرویو میں بتایا کہ کرفیو میں نرمی کے باوجود مواصلات (فون لائنز اور انٹرنیٹ) کا نظام معطل رہے گا۔

ایک سوال کے جواب میں انہوں نے کہا کہ ’ جب تک حالات ٹھیک نہیں ہوجاتے ہم دشمن کو وہ آلہ (انٹرنیٹ) نہیں دینا چاہتے‘۔

انہوں نے کہا کہ ’ ہفتے 10 دن تک سب کچھ ٹھیک ہوجائے گا اور ہم آہستہ آہستہ تمام مواصلاتی رابطے بحال کریں گے‘۔

واضح رہے کہ گزشتہ روز راہول گاندھی نے کہا تھا کہ ’ ہم آپ کی دعوت پر اپوزیشن رہنماؤں کے ہمراہ جموں و کشمیر اور لداخ کا دورہ کریں گے، ہمیں کسی طیارے کی ضرورت نہیں ہوگی لیکن ہمیں آزادی سے سفر کرنے، لوگوں، مرکزی رہنماؤں اور وہاں تعینات ہمارے سپاہیوں سے ملاقات کی یقین دہانی کروائیں‘۔

انڈیا ٹوڈے کے مطابق ستیا پال ملک نے کہا کہ ’ راہول گاندھی اپوزیشن رہنماؤں کا وفد کشمیر لے جانے کی کوشش کرکے معاملے کو سیاست زدہ کررہے ہیں تاکہ عام آدمی کے لیے مزید مشکلات پیدا ہوں‘۔

راہول گاندھی نے ٹوئٹ میں کہا تھا کہ ’ ملک جی، میں نے اپنے ٹوئٹ کے جواب میں آپ کا کمزور رد عمل دیکھا، میں کسی شرائط کے بغیر جموں و کشمیر آنے کی دعوت قبول کرتا ہوں، میں کب آسکتا ہوں؟ ‘۔

خیال رہے کہ 5 اگست کو مقبوضہ کشمیر کی خصوصی حیثیت کے خاتمے سے قبل بھارتی حکام نے موبائل اور انٹرنیٹ سروسز معطل کرکے کرفیو نافذ کردیا تھا۔

امریکی خبررساں ادارے ’ اے پی‘ کی رپورٹ کے مطابق سری نگر سمیت دیگر علاقوں اور دیہاتوں میں بڑی تعداد میں بھارتی فوجی تعینات ہیں۔

تاہم لاک ڈاؤن کے باوجود مظاہروں کا سلسلہ مکمل طور پر نہیں رکا ہے۔

رہائشیوں کے مطابق جمعہ کی نماز کے بعد مظاہرے میں 8 ہزار افراد نے حصہ لیا تھا جنہیں منتشر کرنے کے لیے بھارتی فورسز نے آنسو گیس اور پیلیٹ گنز استعمال کی تھیں۔

گزشتہ روز بھارتی حکومت نے پہلی مرتبہ جھڑپوں کی تصدیق کی اور کہا تھا کہ بھارتی فورسز جوابی کارروائی پر مجبور ہوگئی تھیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

ہانگ کانگ ائیرپورٹ پر مظاہرین کے داخلے پر پابندی عائد، فضائی آپریشن بحال

جمعرات اگست 15 , 2019
ہانگ کانگ ائیرپورٹ پر پولیس اور مظاہرین کے درمیان شدید جھڑپوں کے بعد عدالت کی جانب سے مظاہرین کو ائیرپورٹ سے نکالے جانے کے حکم کے نتیجے میں فضائی آپریشن جزوی طور پر بحال ہوگیا۔ برطانوی نشریاتی ادارے بی بی سی کے مطابق مظاہرین کے ٹرمینل بلڈنگ میں گھسنے کی وجہ […]
ہانگ کانگ ائیرپورٹ پر مظاہرین کے داخلے پر پابندی عائد، - Mashriq Newspaper

چیف ایڈیٹر

سید ممتاز احمد

مشرق اخبار لاہور کوئٹہ پاکستان کے سائیڈ ممتاز احمد شیف ڈائریکٹر. مشرقی اخبار قومی اور بین الاقوامی سطح پر پاکستانی اپ ڈیٹ میں اہم حصہ کام کر رہا ہے. غریب اور ناقدین کے قوانین اور قوانین کی آواز. مشرقی اخبار اس کے روشن مستقبل کی تلاش میں ہے

فوری روابط