مقبوضہ کشمیر میں مذہبی آزادی پر قدغن، او آئی سی کی بھارت پر شدید تنقید

اسلامی تعاون تنظیم (او آئی سی) کے جنرل سیکریٹری نے مقبوضہ کشمیر میں مذہبی آزادی پر قدغن پر شدید تحفظات کا اظہار کرتے ہوئے بھارتی عمل کو ’عالمی انسانی حقوق کے قوانین کی سخت خلاف ورزی‘ قرار دے دیا۔

او آئی سی حکام نے ٹوئٹ میں عید الاضحیٰ کے موقع پر بھارتی فورسز کی جانب سے مقبوضہ کشمیر میں ’مکمل کرفیو‘ کی مذمت کی جس کے باعث مسلمان مذہبی تہوار منانے کے لیے جمع نہیں ہوسکے۔

علاوہ ازیں او آئی سی حکام نے کہا کہ ’مذہبی حقوق کی ادائیگی سے روکنا عالمی انسانی حقوق کے خلاف سخت ورزی ہے اور اس سے دنیا بھر کے مسلمانوں میں غم و غصے کی لہرپیدا ہوگی‘۔

او آئی سی نےبھارتی حکام پر زور دیا کہ وہ (مقبوضہ) کشمیر کے مسلمانوں کے حقوق کے تحفظ کو یقینی بنائے اور انہیں مذہبی حقوق کی ادائیگی کی اجازت دی جائے۔

اس حوالے سے او آئی سی نے امریکا سمیت عالمی برادری سے مطالبہ کیا کہ وہ اقوام متحدہ کی سیکیورٹی کونسل کی قراردادوں کے مطابق مقبوضہ کشمیر کے تنازع حل نکالنے میں اپنا کردار بڑھائے۔

خیال رہے کہ بھارتی فورسز نے حکومت مخالف مظاہروں کے پیش نظر مقبوضہ کشمیر میں عیدالاضحیٰ کے موقع پر مساجد پر پابندیاں عائد کی تھیں۔

دوسری جانب مقامی افراد نے بتایا کہ بھارت نے ہمالیہ خطے کی سب سے بڑی مسجد ’جامع مسجد‘ کو بند کردیا تاکہ لوگ بڑی تعداد میں جمع نہ ہوسکیں۔

واضح رہے کہ بھارت نے 5 اگست کو مقبوضہ کشمیر کی خصوصی حیثیت کے خاتمے سے قبل ہی وادی میں موبائل اور انٹرنیٹ سروسز معطل کرکے کرفیو نافذ کردیا تھا۔

امریکی خبررساں ادارے ’ اے پی‘ کی رپورٹ کے مطابق سری نگر سمیت دیگر علاقوں اور دیہاتوں میں بڑی تعداد میں بھارتی فوجی تعینات ہیں۔

رہائشیوں کے مطابق جمعہ کی نماز کے بعد مظاہرے میں 8 ہزار افراد نے حصہ لیا تھا جنہیں منتشر کرنے کے لیے بھارتی فورسز نے آنسو گیس اور پیلیٹ گنز استعمال کی تھیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

بھارت کو اپنے یوم آزادی پر مقبوضہ کشمیر میں رد عمل کا خوف ستانے لگا

جمعرات اگست 15 , 2019
سرینگر: (ویب ڈیسک) بھارت کو اپنے یوم آزادی پر مقبوضہ کشمیر میں رد عمل کا خوف ستانے لگا۔وادی میں ہر طرف سکیورٹی مزید سخت کر دی گئی ہے۔ سرینگر، پلواما، پونچھ، کشتواڑ میں زیادہ سختی کی گئی ہے۔ غیر ملکی خبر رساں ادارے کے مطابق جمعرات کو بھارت کا یوم […]
بھارت کو اپنے یوم آزادی پر مقبوضہ کشمیر میں رد عمل کا خوف ستانے لگا

چیف ایڈیٹر

سید ممتاز احمد

مشرق اخبار لاہور کوئٹہ پاکستان کے سائیڈ ممتاز احمد شیف ڈائریکٹر. مشرقی اخبار قومی اور بین الاقوامی سطح پر پاکستانی اپ ڈیٹ میں اہم حصہ کام کر رہا ہے. غریب اور ناقدین کے قوانین اور قوانین کی آواز. مشرقی اخبار اس کے روشن مستقبل کی تلاش میں ہے

فوری روابط