مس وینزویلا مقابلہ: دوشیزاؤں کی جسمانی ساخت خفیہ رکھی جائے گی

0

دنیا میں بھر میں ہونے والے خوبصورتی کے مقابلے ویسے تو کسی نہ کسی وجہ سے تنازع کا شکار بنتے ہی ہیں۔

تاہم گزشتہ چند سال سے ان مقابلوں پر تنقید میں اضافہ دیکھنے میں آیا ہے۔

جہاں رواں برس بھارت میں ’مس انڈیا‘ کے مقابلے میں شارٹ لسٹ کی گئی تمام لڑکیوں کے رنگ گورے ہونے پر اعتراض کیا گیا تھا۔

وہیں جنوبی امریکی ملک وینزویلا میں بھی گزشتہ چند سال سے مقابلہ حسن کو تنقید کا نشانہ بنایا جا رہا تھا۔

مجموعی طور پر مقابلے میں 24 دوشیزائیں حصہ لیتی ہیں—فوٹو: مس وینزویلا انسٹاگرام

مسلسل تنقید کے بعد اب مقابلہ حسن منعقد کرنے والی انتطامیہ نے رواں برس کے فیسٹیول میں پہلی بار بڑی تبدیلی کا اعلان کردیا۔

وینزویلا میں مقابلہ حسن منعقد کرنے والی انتظامیہ نے اعلان کیا ہے کہ اس بار مقابلے میں حصہ لینے والی دوشیزاؤں کے جسمانی خدوخال کو عام کرنے کے بجائے انہیں خفیہ رکھا جائے گا۔

خبر رساں ادارے ’اے ایف پی‘ کے مطابق رواں برس ’مس وینزویلا‘ کے مقابلے میں تاریخ میں پہلی بار مقابلے میں حصہ لینے والی دوشیزاؤں کی جسمانی ساخت کا اعلان نہیں کیا جائے گا۔

رپورٹ کے مطابق اس بار مقابلے میں شامل ہونے والی 24 حسیناؤں کی جسامت یعنی ان کی چھاتی اور کمر کے سائز کے حوالے سے کوئی اعلان نہیں کیا جائے گا۔

مس وینزویلا منتخب ہونے والی دوشیزا کو مس یونیورس کے لیے بھیجا جاتا ہے—فوٹو: مس وینزویلا انسٹاگرام

عام طور مس وینزویلا کے مقابلے کے دوران مقابلے میں شریک ہونے والی 24 دوشیزاؤں کی جسمانی ساخت کا اعلان اس وقت کیا جاتا ہے جب وہ ناظرین کے سامنے اسٹیج پر واک کرنے آتی تھیں۔

رپورٹ کے مطابق مقابلے کے دوران اسٹیج پر واک کے دوران دوشیزاؤن کی جسمانی ساخت اور خدوخال کا اعلان کیے جانے سے مقابلے میں حصہ لینے والی لڑکیوں کو مسقبل میں مسائل کا سامنا کرنا پڑتا تھا۔

انتظامیہ نے یہ اعلان ایک ایسے وقت میں کیا ہے جب کہ 2 دن بعد ہی مس وینزویلا کے انتخابات کا مقابلہ ہوگا۔

خوبصورتی کی ریس میں ایک دوسرے کو شکست دینے کے لیے میدان میں اترنے والی کم عمر دوشیزاؤں کے جسمانی خدوخال کے اعلان پر گزشتہ چند سال سے سماجی تنطیموں اور سماجی کارکنان نے سخت احتجاج ریکارڈ کروایا، جس کے بعد انتطامیہ نے پہلی بار مقابلے کے اصول تبدیل کیے۔

دوسرے اور تیسرے نمبر پر آنے والی لڑکیوں کو بھی عالمی مقابلوں میں بھیجا جاتا ہے—فوٹو: مس وینزویلا انسٹاگرام

اگرچہ مقابلہ منعقد کرنے والے ادارے نے دوشیزاؤں کی جسامت کو خفیہ رکھنے کا اعلان کیا ہے، تاہم ادارے نے مقابلے میں شارٹ لسٹ ہونے والی لڑکیوں کی خوبصورتی پرکھنے کے پیمانے کو تبدیل کرنے سے متعلق کوئی وضاحت نہیں کی۔

مقابلہ منعقد کرنے والی انتطامیہ اب بھی دوشیزاؤں کو خوبصورتی کے پرانے پیمانے پر ہی منتخب کرے گی یعنی ان کے جسمانی خدوخال کو نوٹ کیا جائے گا، تاہم اس کا اعلان نہیں کیا جائے گا۔

Leave A Reply

Your email address will not be published.