فواد چوہدری کی بھارتی فوجیوں سے مقبوضہ کشمیر میں ڈیوٹی سے انکار کی اپیل

وفاقی وزیر برائے سائنس و ٹیکنالوجی فواد چوہدری نے بھارت کے پنجابی فوجیوں سے مقبوضہ کشمیر میں ڈیوٹی سے انکار کی اپیل کردی۔

وفاقی وزیر نے پنجابی زبان میں ٹوئٹ کرکے اپیل کی کہ پنجابی فوجی مقبوضہ کشمیر میں ڈیوٹی سے انکار کردیں اور مظلوم کشمیریوں کے ساتھ ناانصافی اور ظلم کا حصہ نہ بنیں۔

ایک بھارتی ٹوئٹر صارف نے فواد چوہدری کی ٹوئٹ کو بھارت کی سیکیورٹی معاملات میں مداخلت قرار دیا تو وفاقی وزیر نے اس کے جواب میں کہا کہ کیا کسی کو ظلم سے روکنا مداخلت ہے؟ امن مزاحمت کے بغیر ممکن نہیں ہے اور انصاف پسند بھارتی شہری مودی کے فاشزم کو مسترد کردیں۔ 

وفاقی وزیر برائے سائنس و ٹیکنالوجی فواد چوہدری مقبوضہ کشمیر میں بھارتی بربریت کے خلاف مسلسل آواز اٹھا رہے ہیں اور پارلیمنٹ کے مشترکہ اجلاس میں بھی انہوں نے بھارت سے سفارتی تعلقات منقطع کرنے کا مطالبہ کیا تھا۔ 

پارلیمنٹ کے مشترکہ اجلاس میں اظہار خیال کرتے ہوئے فواد چوہدری نے کہا تھا کہ جب کوئی فیصلہ منظور نہیں ہوتا تو بھارت کا سفیر یہاں کیا کررہا ہے؟

ان کا کہنا تھا کہ بھارتی سفیر ایک اچھے انسان ہیں لیکن وہ یہاں ایک فاشسٹ حکومت کی نمائندگی کررہے ہیں، جب یہاں سفارت کاری ہونی نہیں ہے تو ایک دوسرے کے سفیر پر صرف خرچ کررہے ہیں، ہمیں بھارت سے سفارتی تعلقات منقطع کرنے چاہئیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

کشمیر کا مسئلہ امریکا طالبان مذاکرات پر حاوی ہو سکتا ہے: اسد مجید خان

بدھ اگست 14 , 2019
نیویارک : (ویب ڈیسک) امریکا میں تعینات پاکستانی سفیر ڈاکٹر اسد مجید خان کا کہنا ہے کہ کشمیر کا مسئلہ امریکا طالبان مذاکرات پر حاوی ہو سکتا ہے۔ مغرور بھارت کو خطے کے امن اور استحکام کی پروا نہیں۔ نیو یارک ٹائمز کو انٹرویو دیتے ہوئے ان کا کہنا تھا کہ مقبوضہ […]
کشمیر کا مسئلہ امریکا طالبان مذاکرات پر حاوی ہو سکتا ہے: اسد مجید - Mashriq Newspaper

چیف ایڈیٹر

سید ممتاز احمد

مشرق اخبار لاہور کوئٹہ پاکستان کے سائیڈ ممتاز احمد شیف ڈائریکٹر. مشرقی اخبار قومی اور بین الاقوامی سطح پر پاکستانی اپ ڈیٹ میں اہم حصہ کام کر رہا ہے. غریب اور ناقدین کے قوانین اور قوانین کی آواز. مشرقی اخبار اس کے روشن مستقبل کی تلاش میں ہے

فوری روابط