بلوچستان کا مسئلہ صرف سیاسی انداز سے حل کیا جا سکتا ہے، اختر مینگل

0

 بلوچستان نیشنل پارٹی (مینگل) کے سربراہ اختر مینگل کا کہنا ہے کہ ہمارے چھ نکات کسی مخصوص علاقے یا قوم کے لیے نہیں بلکہ صوبے میں بسنے والی ہر قوم کے لیے ہیں۔ بلوچستان کا مسئلہ صرف سیاسی انداز سے حل کیا جا سکتا ہے۔

کوئٹہ میں بی این پی (مینگل) کی جانب سے ٹکری شفقت لانگو کی بلوچستان نیشنل پارٹی میں شمولیتی پروگرام منعقد ہوا جس میں پارٹی سربراہ اختر مینگل سمیت پارٹی کے مرکزی قائدین اور کارکنوں کی بڑی تعداد شریک ہوئی۔

تقریب سے خطاب کرتے ہوئے سردار اختر مینگل نے کہا کہ پارٹی میں شامل ہونیوالوں کو مبارکباد پیش کرتا ہوں۔ بلوچستان کے حقوق کو ماضی میں پامال کیا گیا۔ بی این پی صوبے کے حقوق کے لیے ہر طرح سے جدوجہد کرے گی۔

انہوں نے کہا کہ ہمارے 6 نکات صرف بی این پی کے لیے نہیں بلکہ پورے صوبے کے لیے ہیں۔ لاپتا افراد میں اگر کوئی بھی کسی جرم ثابت ہو تو اسے نیشنل ایکشن پلان کے تحت سزا دی جائے لیکن اگر کوئی بے قصور ہے تو اس کے بارے میں اس کے لواحقین کو بتایا جائے۔ 6 نکات میں صوبے کے ساحل وسائل کے حقوق بھی شامل ہیں۔

Leave A Reply

Your email address will not be published.