اب تک میری کوئی بھی’اچھی فلم‘ریلیز نہیں ہوئی،عائشہ عمر کا اعتراف

حال ہی میں ریلیز ہونے والی فلم ’کاف کنگنا‘ میں جلوہ گر ہونے والی اداکارہ عائشہ عمر نے اعتراف کیا ہے کہ اب تک ان کی کوئی بھی ’اچھی فلم‘ ریلیز نہیں ہوئی۔

جہاں انہوں نے اب تک ریلیز ہونے والی اپنی فلموں کو ’انتہائی اچھا‘ قرار نہیں دیا، وہیں انہوں نے دعویٰ کیا کہ جلد ہی ان کی سب سے بہترین فلم ریلیز ہوگی۔

عائشہ عمر اگرچہ متعدد ڈراموں میں شاندار کردار ادا کر چکی ہیں اور وہ بطور ماڈل بھی خود کو منوا چکی ہیں، تاہم انہوں نے چند ہی فلموں میں کام کیا ہے اور ان کے بقول اب تک ریلیز ہونے والی ان کی تمام فلمیں انہیں اچھی نہیں لگیں۔

x

عائشہ عمراگرچہ 2011 میں ریلیز ہونے والی فلم ’لو میں گم‘ میں نظر آئی تھیں، تاہم انہوں نے بطور مرکزی اداکارہ 2015 میں ریلیز ہونے والی رومانٹک فلم ’کراچی سے لاہور‘ سے فلمی کیریئر کا آغاز کیا۔

اداکارہ نے حال ہی میں ریلیز ہونے والی کاف کنگنا کو بھی اچھی فلم قرار نہیں دیا—اسکرین شاٹ

عائشہ عمر کی ’کراچی سے لاہور‘ کو بہت سراہا گیا تھا، بعد ازاں وہ یلغار میں بھی دکھائی دیں اور حال ہی میں ان کی فلم ’کاف کنگنا‘ بھی ریلیز ہوئی تھی۔

عائشہ عمر گزشتہ برس ریلیز ہونے والی رومانٹک فلم ’سات دن محبت ان‘ میں بھی دکھائی دی تھیں اور جلد ہی وہ مزید فلموں میں بھی دکھائی دیں گی۔

امریکی نشریاتی ادارے ’وائس آف امریکا‘ سے بات کرتے ہوئے عائشہ عمر نے دعویٰ کیا کہ ان کی آنے والی فلمیں ان کی اب تک ریلیز ہونے والی فلموں سے اچھی ہوں گی۔

اداکارہ جلد ہی مزید 2 نئی فلموں میں دکھائی دیں گی—فوٹو: انسٹاگرام

عائشہ عمر نے ایک سوال کے جواب میں کہا کہ انہیں اب تک ریلیز ہونے والی اپنی کوئی بھی فلم اچھی نہیں لگی، تاہم انہیں یقین ہے کہ جلد ہی ان کی سب سے بہترین فلم ریلیز ہوگی۔

عائشہ عمر نے اگرچہ مستقبل میں ریلیز ہونے والی فلم کے حوالے سے مزید وضاحت نہیں کی، تاہم خبریں ہیں کہ وہ کامران شاہد کی ہدایت کاری میں بننے والی ایک فلم سمیت ’رہبرا‘ میں بھی دکھائی دیں گی۔

اگرچہ ’رہبرا‘ کی شوٹنگ کچھ عرصے سے جاری تھی، تاہم اداکارہ نے بتایا کہ کچھ وجوہات کی وجہ سے اس کی شوٹنگ منسوخ کردی گئی ہے۔

اداکارہ سے متعلق اطلاعات ہیں کہ وہ جلد ہی صوبہ بلوچستان کی دیہی اور مشکلات سے بھری زندگی پر بننے والی ایک فلم میں بھی ایکشن میں دکھائی دیں گی۔

ابھی یہ کہنا قبل از وقت ہے کہ عائشہ عمر کی کون سی فلم سب سے پہلے ریلیز ہوگی، تاہم اداکارہ نے اپنی آنے والی فلموں کے حوالے سے دعویٰ کیا کہ وہ ان کی بہترین فلمیں ہوں گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

آسٹریلین ٹیم 2019 کا خاتمہ شکست کے بغیر کرنے میں کامیاب

اتوار نومبر 10 , 2019
Share on Facebook Tweet it Share on Google Email v پاکستان کیخلاف ٹی ٹونٹی سیریز میں کامیابی کے ساتھ آسٹریلین کرکٹ ٹیم دو ہزار انیس کا خاتمہ کسی شکست کے بغیر کرنے میں کامیاب رہی اور کینگرو کپتان آرون فنچ کا کہنا ہے کہ ٹیم کی حیثیت سے کھیل میں […]

چیف ایڈیٹر

سید ممتاز احمد

قارئین اور ناظرین کو لمحہ لمحہ باخبر رکھنے کے لئے” مشرق “ویب سائٹ اور” مشرق“ ٹی وی کااجراءکیاگیا ہے۔روزنامہ” مشرق“ کا قیام1962ءمیں عمل میں آیا تھا ۔یہ اخبار پاکستان کی جدید صحافت کے علمبردار آئین کی بالادستی ،جمہوری قدروں کے فروغ اور انسانی حقوق کے تحفظ کاعلم بلند کرنے کے عزم کے ساتھ دنیائے صحافت میں آیا تھا ۔ ”مشرق “نے جدید تقاضوں کے مطابق اپنے قارئین اور دنیا بھر میں پاکستانیوں کو باخبر رکھنے کے لئے ویب سائٹ اور ویب ٹی وی کا جناب سید ممتاز احمد شاہ چیف ایڈیٹر مشرق گروپ آف نیوزپیپرز کی نگرانی میں اجراءکیاہے ۔یہاں یہ امر قابل ذکر ہے کہ اقلیم صحافت کے درخشندہ ستارے سید ممتاز احمد کا شمار پاکستانی صحافت کے اکابرین میں ہوتا ہے۔زندگی بھر قلم وقرطاس اور پرنٹ میڈیا ہی ان کا اوڑھنا بچھونا رہا۔سید ممتاز احمد شاہ نے آج سے 50 برس قبل صحافت جیسی وادی ¿ پرخار میںقدم رکھا۔ضیائی مارشل لا کے دور میں کئی مراحل آئے جب قلم اور قرطاس سے رشتہ برقرار اور استوار رکھنا انتہائی جانگسل ہوچکا تھا لیکن وہ کٹھن اور دشوار گزار راستوں پر سے گزرتے رہے لیکن ان کے پایہ¿ استقلال میں کبھی لغزش دیکھنے سننے میں نہیں آئی۔ واضح رہے کہ سید ممتاز احمد نے ملک کے اہم ترین انگریزی اخبار ”ڈان“ ”جنگ“ ”دی نیوز“ اور روزنامہ ”مشرق“ میں اپنی گراں قدر خدمات انجام دی ہیں۔ اور ان کا مشرق کے ساتھ صحافت کا سفر جاری ہے۔